Hakerët rrëzuan 19.000 uebfaqe që prej sulmit në Charlie Hebdo

Hakerët kanë sulmuar 19.000 ueb faqe franceze si pasojë e sulmit në Charlie Hebdo, sipas drejtorit për mbrojtje kibernetike në Francë.

Sulmet janë kryer nga grupe të ndryshme, përfshirë edhe grupe të njohura të hakerëve islamik, deklaroi drejtori i departamentit për mbrojtje kibernetike, Arnaud Coustilliere.

Coustilliere deklaroi se shumica e këtyre sulmeve janë sulme që njihen si “Deface”, ku hakerët e zëvendësojnë përmbajtjen origjinale të ueb faqeve të sulmuara me diçka të tyren. “Kjo nuk ka ndodhur kurrë më parë. Është hera e parë që një vend është ballafaquar me një numër kaq të madh sulmesh,” tha Coustilliere, transmeton ITshqip.com.

Disa prej ueb faqeve të sulmuara ishin ueb faqe të regjimenteve ushtarake, por nuk janë kursyer as ueb faqe të dyqaneve të picave, shtoi ai.

Pas sulmit në Charlie Hebdo, që la 12 të vdekur, disa grupe hakerësh si ‘FallaGa Team’, ‘AnonGhost’ dhe ‘United Islamic Cyber Force’, kanë qenë të përfshira në shumë sulme kibernetike ndaj ueb faqeve të ndryshme, duke ndryshuar përmbajtjen origjinale të atyre ueb faqeve me mesazhe të ndryshme propaganduese.

#OpFrance #CharlieHebdo #HellForHebdo http://t.co/DESERAk0tt pic.twitter.com/ngOqgW29PD

— United Islamic Cyber (@uicforce) January 12, 2015

 

Në të njëjtën kohë, grupi i hakerëve i njohur si ‘Anonymous’  kanë filluar fushatën e tyre të quajtur “OpCharlieHebdo,” për të sulmuar ueb faqet e ndryshme xhihadiste. Viktima e parë e kësaj fushate ishte ueb faqja  e njohur e xhihadistëve francez./itShqip

#TangoDown : http://t.co/rHJrjTZ8mA Expect us. #JeSuisCharlie #OpCharlieHebdo #CharlieHebdo pic.twitter.com/RK7gBWr8QS

— OpCharlieHebdo (@OpCharlieHebdo) January 10, 2015