Sony ka kërcënuar rrjetin social Twitter që nëse nuk bllokon llogaritë që vazhdojnë të postojnë materialet e hakuara nga sulmi që ndodhi në Sony Pictures Entertainment (SPE) atëherë do padisë kompaninë. Avokati i kompanisë së filmave, David Boies ka dërguar një letër rrjetit social duke kërkuar që ato llogari të mbyllen përgjithmonë. Letra e dërguar nga Boies është publikuar nga uebfaqja Motherboard, që shkruan:
SPE (Sony Pictures Entertainment) nuk pëlqen që Twitter apo llogaritë në Twitter të zotrojnë kopje, rishqyrtime, publikime, ngarkime, shkarkime apo shpërndarje të ndonjë informacioni të publikuar nga informatat e vjedhura, kështu që ne kërkojmë që të pezulloni pronarët e atyre llogarive në Twitter apo edhe llogaritë e tjera që shpërndajnë informacione të tilla përmes Twitter-it.
Hakerët që rrëzuan rrjetin e Sony Pictures, ndryshe të njohur si Guardians of Peace/Mbrojtësit e Paqes, kanë ngarkuar të dhënat e vjedhura dhe kanë shpërndarë lidhjet e tyre në shumë rrjete sociale. Në këto linqe mund të kenë aksesë të gjithë, ku mund të shkarkojnë përmbajtjen e tyre. Kjo çoi deri në lëshimin e paligjshëm të filmave si dhe në publikimin e gjërave private të puntorëve fatkeq të kompanisë.
Qeveria e SHBA-së kishte akuzuar Korenë Veriore për sulmin kibernetik që ndodhi tek kompania Sony Pictures në Nëntor, por një gjë të tillë Koreja Veriore nuk e kishte pranuar. Nga sulmi rezultoi të jetë publikuar edhe skripti i filmit të ardhshëm nga James Bond, Spectre, i cili u lëshua online.
Po ashtu, ky sulm çoi edhe deri në anulimin e premierës së filmit “The Interview”, film që shfaq atentatin ndaj drejtuesit të Koresë Veriore, Kim Jong-un. Ndërkohë, i gjithë rrjeti i Koresë Veriore ishte ndaluar të Martën, pavarësisht që vendi kishte katër ofrues të internetit, të gjithë banorët e këtij vendi nuk kishin qasje në internet./itShqip
