Në muajin Shkurt të këtij viti Sony zyrtarisht njoftoi për gjeneratën e ardhshme PlayStation 4, por u ndal duke na treguar atë vetëm se si duket. Ndërsa tani në E3, Sony shpalos atë duke treguar çmimin e tij dhe duke dhënë informata më shumë për të.
Dizajni është krejtësisht i ndryshëm nga gjenerata e kaluar PlayStation 3 që iu kishte dhënë më shumë rëndësi kthesave dhe sipërfaqeve këndore që janë të ngjajshme me PlayStation 2.
Përpara keni hapsira për Blu-Ray Drive dhe dy porte tjerë për USB 3.0. Ndërsa në anën e pasme janë hapsirat për ventilim gjithashtu edhe portet e lidhjes duke përfshirë lidhjen me internet, HDMI, portet AUX për pajisje dhe porti për energji. Si gjeneratat e mëparshme ashtu edhe PS4 mund të qëndroj vertikalisht po ashtu edhe mbështet edhe pozitën horizontale.
Tani kemi disa informata më të rëndësishme për të pasi që më parë ishin ende të panjohura. Sony njoftoi se PlayStation 4 në Amerikë do të kushtoj 399 dollar, po ashtu edhe në Evropë do kushtoj 399 euro. Konsola do të vijë me vetëm një kontrollues DualShock 4 ndërsa kontrolluesi i dytë do kushtoj 59 dollar. Sony nuk zbuloi datën e saktë se kur do të jetë në dispozicion PS4, por përmendi sezonin e festave për daljen në treg. /itShqip
