Sony rikthen online rrjetin e PlayStation

Rrjeti i PlayStation është kthyer nga kompania Sony pas rrëzimit para tri ditëve nga sulmi i fundit i hakerëve të grupit Lizard Squad, të cilët arritën të rrëzonin edhe Xbox Live. Sony thotë se rrjeti i PlayStation tashmë është funksional dhe mund të përdoret nga të gjitha konsolat.

Ende nuk është e qartë nëse infrastrkutura e kompanisë Sony është përmirësuar, pasi që hakerët kanë arritur të thyen rrjetin e tyre disa herë, megjithatë nuk duket se do ketë ndonjë përmirësim të përhershëm nga Sony. Sidoqoftë, është mirë që përdoruesit të arrijnë t’i shijojnë lojërat online në konsolën e re të PlayStation 4 para se festat e fundvitit të përfundojnë./itShqip